- తాండూర్ మున్సిపాలిటీలో విలేమూన్ హై స్కూల్ చౌరస్తా పేరు ఖరారు
- కౌన్సిల్ సమావేశంలో తీర్మానం
- కౌన్సిలర్ ఇర్షాద్ను ఘనంగా
సన్మానించిన పాఠశాల యాజమాన్యం
జనవాహిని ప్రతినిధి తాండూరు; తాండూర్ పురపాలక సంఘం పరిధిలోని ప్రధాన కూడలికి విలేమూన్ హై స్కూల్ చౌరస్తా గా అధికారిక నామకరణం చేస్తూ మున్సిపల్ కౌన్సిల్ నిర్ణయం తీసుకుంది. నిన్న నిర్వహించిన కౌన్సిల్ సాధారణ సమావేశంలో ఈ మేరకు కౌన్సిల్ సభ్యులు ఏకగ్రీవంగా తీర్మానం ఆమోదించారు.
కూడలికి తమ పాఠశాల పేరును ఖరారు చేయడంలో కీలక పాత్ర పోషించిన 7వ వార్డు కౌన్సిలర్ ఇర్షాద్ను గురువారం విలేమూన్ హై స్కూల్ యాజమాన్యం ఘనంగా సన్మానించింది. పాఠశాల ఆవరణలో ఏర్పాటు చేసిన ఈ కార్యక్రమంలో కౌన్సిలర్ను పూలమాలలు, శాలువాతో సత్కరించి సంతోషం వ్యక్తం చేశారు.
ఈ సందర్భంగా పాఠశాల నిర్వాహకులు మాట్లాడుతూ.. ప్రజల ఆకాంక్షలకు అనుగుణంగా వార్డు అభివృద్ధితో పాటు స్థానిక సమస్యల పరిష్కారానికి కృషి చేస్తున్న కౌన్సిలర్ ఇర్షాద్ సేవలను అభినందించారు. చౌరస్తాకు విలేమూన్ హై స్కూల్ పేరు పెట్టడం పట్ల విద్యార్థుల తల్లిదండ్రులు, స్థానికులు హర్షం వ్యక్తం చేశారు. ఈ కార్యక్రమంలో పాఠశాల యాజమాన్యం, ఉపాధ్యాయులు, స్థానికులు పాల్గొన్నారు.
